Ítróttarháskúlin biður løgtingið um 6,5 mió. kr. til skúlabygning

Ítróttarháskúlin í Suðuroy manglar ein skúlabygning til sítt virksemi, og tí er ætlanin at keypa og umbyggja ein bygning, ið skal brúkast sum skúlabygningur

Soleiðis ímyndar tey sær, at felagshølini í nýggja skúlabygninginum hjá Ítróttarháskúlanum í Suðuroy skulu síggja út

Mynd: Kontrast

Høgni Djurhuus

Uni L. Hansen

15.12.2021 - 09:57

Ítróttaháskúlin í Suðuroynni hevur biðið løgtingið um 6,5 mió. kr. at byggja fyri í Vági.

Ætlanin er at keypa og rudda ein bygning, sum skal umbyggjast til skúlabygning.

Byggifelagið Norcon hevur bjóðað sær til at byggja fyri slakar 9,8 mió. kr.

Ein millión skal brúkast til at keypa og rudda bygning, so við meirvirðisgjaldi fer byggingin at kosta 13,2 mió. kr.

Ítróttarháskúli í Suðuroy, skúlabygningurin

Frítekst tagging:

Ítróttarháskúlin í Suðuroy

Háskúlar fáa ikki meirvirðisgjaldið aftur, tá teir byggja.

Dennis Holm, formaður í stýrinum fyri Ítróttarháskúlan, greiddi frá ætlanini í útvarpinum í september í fjør.

- Ítróttarháskúli í Suðuroy er sikkurt fyrsti skúli, ið er byrjaður í Føroyum, um at hava nakran skúlabygning. Men málið hevur allatíðina verið, at fáa til vega teir grundleggjandi hentleikarnar, ið skulu til, fyri at reka ein skúla, eitt nú ein skúlabygning, segði Dennis Holm millum annað.