- Tíðindi, mentan og ítróttur
Koronutilmælini galdandi til 2. januar
Koronutilmælini galdandi til 2. januar
Løgmansskrivstovan boðar í dag frá, at koronutilmælini, sum í fyrsta umfari vóru galdandi í 14 dagar til og við tollaksmessudag, verða longd og galda nú til og við sunnudagin
![](https://kvf.fo/sites/default/files/styles/grein-ovasta-mynd/public/bardur_a_steig_nielsen-4.jpg?itok=6pxmfdtF)
Verandi koronutilmæli vera nú galdandi til 2. januar
Mynd: Bjarni Árting Rubeksen
21.12.2021 - 13:09
"Smittustøðan, serliga í Danmark, er ørkymlandi, og ábendingar eru um, at henda gongdin skjótt kann fara at síggjast í Føroyum," skrivar løgmansskrivstovan.
Tí vera koronutilmælini longd, so tey eru galdandi til 2. januar.
Koronutilmælini eru í løtuni, at í mesta lagi 100 fólk kunnu savnast við koronapass og 20 fólk uttan koronapass.
Skeinkistøð og matstovur eiga at lata aftur kl. 23.
Øll ferðandi skulu í heimauppihald til svar uppá kanning annan dag eftir komu.
Og at vit skulu vísa varsemi, tá ið vit fara til handils.
Kreppuráðið er kallað saman seinnapartin at umrøða støðuna.
Í kreppuráðnum eru aðalstjórarnir í ráðunum, kommunurnar, Arktisk Kommando og fútin.
Nýggjastu sendingar í ÚV
Nýggjastu sendingar í SV