Jenis av Rana fingið vissu fyri, at fleiri etisk mál verða ikki samtykt

Jenis av Rana kennir seg vísan í, at tað nú er bundið fyri, so fleiri sokallaði etisk mál ikki verða samtykt undir hesi samgonguni. Tað sigur formaðurin í Miðflokkinum nú samgongan hevur valt at halda fram.

Í gjár legði Johan Dahl, tingmaður fyri Sambandsflokkin, Jenis av Rana undir at bróta fyrisetingarlógina og at undirgrava arbeiðið hjá Landsstýrinum.

Tað kann hann gott liva við, sigur Jenis av Rana.

- Johan Dahl roynir at flyta fokus. Honum nýtist ikki at leita eftir nakrari orsøk til trupulleikarnar, sum hava verið í samgonguni. Hann kann bara hyggja í speglið, so sær hann teir. Og at skjóta eftir mær er púra við síðunar av, sigur Jenis av Rana millum annað.

HOYR SAMRØÐUNA VIÐ JENIS AV RANA.