Tipsbladet: U19-venjarin hjá OB skal venja HB

Kim Engstrøm eitur nýggi venjarin hjá HB, sambært danska blaðnum Tipsbladet. 

Sambært upplýsingum hjá danska blaðnum, so er Engstrøm nær við at blíva almannakunngjørdur sum nýggjur høvuðsvenjarin í HB. 

Enn resta tó seinastu smálutirnir at fáa upp á pláss, áðrenn Kim Egnstrøm, sum í løtuni venur U19-liðið hjá OB, kann kalla seg HB-venjara. 

U19-meistari

Um so er, at upplýsingarnir hjá Tipsbladet eru rættar, so verður Kim Engstrøm triði danski høvuðsvenjarin seinastu árini. Áður hava Jens Berthel Askou og Jonas Dal, sum nú er ítróttarstjóri í AB, staðið á odda fyri HB.

Kim Engstrøm hevur vant U19-liðið hjá OB síðan 2016, og í fjør vann liðið danska meistaraheitið.