Løgfrøðingur: Avgerðin um koppseting liggur hjá barnaverndartænastunum

Í dag verða fyrstu børnini í aldrinum 5 til 11 ár koppsett móti koronu. 

Tað eru nøkur børn í hesum aldursbólkinum, sum eru umsorganaryvirtikin. Hvør avger tá, um børnini slulu koppsetast. Anna Dam, løgfrøðingur á Barnaverndarstovuni, sigur, at tað eru barnaverndartænasturnar kring landið, ið avgerða um børnini sum tey vara av, skulu koppsetast móti koronu ella ikki. 

Sjálvt um myndugleikarnar hava mett, at umsorgarnarábyrgdin ikki skal liggja hjá foreldrunum, so verða øll foreldur, ið eiga børn ið barnverndartænasturnar taka sær av, spurd um tey ynskja børn teirra koppsett.

Metingin, ið síðani verður gjørd er ikki ein heilsufrøðilig meting, men ein meting um hvørjar avleiðingar tað kann hava fyri barnið, um tað ikki er koppsett. 

Sambært Onnu Dam, løgfrøðingi, er enn onki barn í Føroyum koppsett ímóti viljanum hjá foreldrunum. Tað eru tó dømir um, at summi foreldur ikki ynskja barn teirra koppsett, men at barnaverdnartænastan hevur mett, at tað er best fyri barnið. í hesum førinum hava foreldrini kæru møguleika sigur Anna Dam, løgfrøðingur á Barnaverdnarstovuni.