Todi er til reiðar

Í gjár varð sáttmáli skrivaður millum fótbóltsfelagið NSÍ og Toda Jónsson. Hann er settur sum høvuðsvenjari hjá felagnum í eitt ár fram. 

"Soleiðis sum NSÍ lýsir tann venjaran, sum felagið vil hava, so passi eg væl inn", sigur Todi Jónsson.

Todi Jónsson er eitt óskrivað blað sum venjari, og tí kom tað óvart á nógv fólk.

”Tá NSÍ nú satsar lokalt, so er Todi eitt upplagt val sum venjari. Hann kann geva okkara lokala og unga hópi íblástur," sigur Dánial Hansen, formaður í NSÍ, við heimasíðuna hjá felagnum. Afturat sær fer Todi Jónsson at hava Poul Helga Jacobsen og Jens Martin Knudsen sum hjálparvenjarar.

Sjálvur er Todi Jónsson sera spentur upp á avbjóðingina.

"Eg havi ofta hugsað, at tað kundi verið spennandi at roynt", sigur Todi Jónsson.  

Hoyr samrøðuna við Toda Jónsson omanfyri.