BBC-keypið kann tryggja fleiri sesongir av TROM

Sølan av TROM til BBC prógvar, at tað er áhugi fyri tí, sum vit framleiða her í Føroyum. Og tað kann hjálpa okkum at fáa sett gongd á fleiri sesongir av TROM ella aðrar røðir og filmar úr Føroyum, tá vit vita at tað finst ein marknaður

Tað sigur Jón Hammer frá KYKmyndir, sum hevur framleitt TROM. 

Jón Hammer ger eisini vart við, at BBC og Bretland eru serliga kend fyri júst krimisjangruna.

So at sleppa at vísa eina føroyska krimi, ta fyrstu, í BBC, taka fólkini handan TROM sum eitt herðaklapp, og sum eina ábending um, at vit kunnu halda fram at framleiða meir. 

Í innslagnum hoyrdu vit brot úr samrøðu, sum FM1 gjørdi við Jón Hammer frá KYKmyndir. Ein longri samrøða við Jón Hammer kann hoyrast á In.fo.