Estetiskur fimleikur aftur í Klaksvík

Fyri fyrstu ferð í nógv ár, hevði Klaksvíkar Fimleikafelag lið við í estetiskum fimleiki.

Liðið, Aura, kappaðist í bólkinum 8-10 ár.

 - Vit høvdu hug at gera tað og høvdu venjarar til tað, sigur Talita Hanusardóttir Gregersen, venjari.

Nýggja liðið endaði á fjórða plássi við 8,22 stigum, men tað tekur ikki mótið frá teimum. Málið er at fáa meir enn 10 stig.

Eitt annað mál er at fáa fleiri lið upp at standa í Klaksvík.

 - Hetta er byrjanin, og vónandi veksur tað, men vit vita ikki, tí vit hava ikki hølini til tað, sigur venjarin.