Samherji: Havsbrún fekk heimsins størstu lodnulast

Tað var ikki bara størsta lastin, sum nakrantíð er landað hjá Havsbrún, tá íslendska skipið Vilhelm Þorsteinsson kom á Fuglafjørð við lodnu sunnudagin.

Tað var heimsins størsta lodnulast, sigur Samherji, sum eigur skipið.

Lodnan vigaði 3.448 tons.

Vilhelm Þorsteinsson tók metið hjá systurskipinum Børki, sum landaði 3.409 tons á Seyðisfirði um vikukskiftið.

Vilhelm Þorsteinsson fylti skipið við sjey hálum, tað størsta var 600 tons.

Seks til átta tímar

Hvørt hálið vardi í seks til átta tímar. Men tað við 600 tonsum vardi bara í hálvanannan tíma.

Tað tók Havsbrún góðar 20 tímar at landa skipið.

Lodnan er nú eystur úr Langanesi. Haðani eru næstan 300 fjórðingar til Føroya.

Vilhelm Þorsteinsson fór av Fuglafirði tíðliga í gjáramorgunin.