Flestu koronatilburðir í Føroyum

Korona herjar heimin, men ongastaðni í heiminum eru so nógvir tilburður staðfestir pr. íbúgva sum í Føroyum. 
Tað vísir ein uppgerð frá worldometer, sum hevur gjørt upp pr. 1 millión íbúgvar.
Um tað búðu ein millión fólk í Føroyum, so svara tey føroysku tølini til, at 479,770 høvdu havt korona. Her er tó eitt lítið fyrivarni, tí samalað fólkatalið í Føroyum í kanningini bara er 49.159 og ikki 53.653, sum er tað seinasta almannakunngjørda íbúgvaratalið í Føroyum.
Tað eru tey smáu londini, sum liggja ovast á listanum. Nummar tvey og trý eru ávíkavist Androrra og Gibraltar.

Og seinastu tølini frá landslæknanum vísa, at 677 tilburðir vórðu skrásettirí gjár. 1.530 kanningar vórðu gjørdar seinasta døgnið. Í løtuni eru 4.972 smittað við korona, seks eru innløgd við korona, harav fýra eru innløgd vegna korona, og 20 eru deyð við korona í Føroyum