- Tíðindi, mentan og ítróttur
Bergholið til Fámjins dýrkar 40 mió. kr.
Bergholið til Fámjins dýrkar 40 mió. kr.
Løgtingið er biðið um at hækka játtanina úr 169 upp í 207 mió. kr.
![](https://kvf.fo/sites/default/files/styles/grein-ovasta-mynd/public/famjinstunnil.jpg?itok=eKySu-fn)
Bergholið til Fámjins verður liðugt á sumri í 2024.
08.03.2022 - 08:26
Bergholið til Fámjins verður næstan 40 mió. kr. dýrari enn upprunaliga mett.
Fíggjarmálaráðið hevur biðið løgtingið hækka játtanina til arbeiðið úr 169 milliónum upp í 207 milliónir.
Orsøkin er, at kostnaðarmetingin er dagførd eftir, at verkætlanin var í útboði. Tilboðini, sum komu, vóru nógv størri enn Landsverk metti. Lisitatiónin var 16.desembur í fjør.
Nýggja farleiðin verður 2,6 km. Bergholið verður 1,2 km langt og 8,5 m breitt.
Liðugt í 2024
Harumframt skulu vegir gerast báðum megin, ein kilometur Ørðavíkarmegin og 400 metrar Fámjinsmegin.
Fíggjarmálaráðið sigur, at klárt er at fara undir arbeiðið.
Gongur sum ætlað, verður nýggja farleiðin liðug á sumri 2024.
Nýggjastu sendingar í ÚV
Nýggjastu sendingar í SV