Fyrsti partur av 'Seks spurningar um at vera menniskja' frumsýndur í kvøld

Um KVF›Tíðindi
Fyrsti partur av 'Seks spurningar um at vera menniskja' frumsýndur í kvøld
Kringvarpið er samframleiðari av røðini
 
11-03-2022

Nú nærkast dagurin, sum øll føroysk børn og allar barnsligar sálir í Føroyum hava glett seg til. Tann 11. mars verður fyrsti partur av sendirøðini 'Seks spurningar um at vera menniskja' frumsýndur í Kringvarpinum. Sendirøðin er bygd á hugskot hjá Búa Dam og Dánjali á Neystabø. Búi Dam hevur skrivað handrit og leikstjórnað, og Dánjal á Neystabø hevur skrivað tónleikin og hjálparleikstjórnað.

Kringvarpið hevur verið samframleiðari, millum annað við at veita starvsfólk, útgerð og við fíggjarligum stuðli. Seks spurningar um at vera menniskja er ein 100 % føroyskt framleidd barnasendirøð í seks pørtum.  

Sendirøðin snýr seg um teir báðar serskøltarnar Dánjal Kagadingding og Búa Sibbidibbidimdim. Teir búgva í húsunum hjá Tebryggjaranum (Mariann Hansen). Dánjal Kagadingding er óvanliga vandaligur og verður ofta raktur av tvingsilshugsanum. Búi Sibbidibbidimdim er harafturímóti óvanliga óvandaligur og hevur trupult við at skipa seg. 

Seks spurningar um at vera menniskja er ein sendirøð um vinalag, um at hjálpa hvørjum øðrum, tá ið á stendur, og um máttin í spæli. Og so er tað ein sendirøð við nógvum góðum temunnum.

Fyrsti partur av sendirøðini verður vístur í kvøld 11. mars kl. 18.30 í sjónvarpinum. Næstu fimm partarnir verða vístir fylgjandi fimm fríggjakvøldini. 
Allir partarnir verða sjálvandi eisini tøkir á kvf.fo/Vit. 

 

Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470

Um kvf css