Klaksvíkar sjúkrahús fyri øll

Sambært Norðlýsinum vísa tøl yvir innleggingar á Klaksvíkar sjúkrahúsi, at talið á sjúkilingum, sum koma aðra staðni frá enn úr Norðoyggjum, økist alsamt. Í 2003 lógu sjúklingar av bygd í 24 prosentum av songjarplássunum á Klaksvíkar sjúkrahúsi - í 2011 var hesin parturin komin upp á 39 prosent.

Samstundis minkar talið á norðingum, sum verða lagdir inn á lokala sjúkrahúsið.

Í 2003 vóru 76 prosent av songjarplássunum upptikin av sjúklingum úr Norðoyggjum, meðan norðingar bert fyltu 61 prosnet av songjarplássunum í 2011

Samanumtikið vísa tølini ein støðugan vøkstur av innleggingum á Klaksvíkar sjúkrahúsi.

Frá 2003 til 2011 øktist talið á innleggingum á Klaskvíkar sjúkrahúsi úr 1523 upp í 1699 innleggingar - also 176 fleiri innleggingar eftir átta árum.