ES-ráðharrar viðgera flóttafólkastreymin úr Ukraina

ES-ráðharrar hittast seinnapartin at tosa um vaksandi flóttafólkastreymin úr krígsherjaða Ukraina. 

Undan fundinum segði Mattias Tesfaye, sum er danskur ráðharri í útlendinga- og integrasjónsmálum, at tað er serliga spurningurin um, hvussu flutningsleiðin hjá flóttafólkunum kann tryggjast.

Mattias Tesfaye ávarar enn einaferð ímóti, at fólk fara til ukrainska markið at taka ímóti flóttafólki, tí tá er trupult at fylgja við, hvar flóttafólkini enda. 

- Vit síggja fyrstu dømini um, at kvinnur verða tiknar við markið, og seldar til skøkjuvirksemi, og vit síggja børn, sum enda har børn als ikki skulu vera, sigur Tesfaye við danska kringvarpið:

Mattias Tesfaye