Talv: meistaraheitið aftur til Havnar

Triðja árið á rað skuldi føroyameistaraheitið í talvkappingini fyri lið avgerast í dysti millum Havnar Telvingarfelag og Sandavágs Talvfelag.

Sandavágur hevði styrkt seg við stórmeistaranum, John Arna Nilssen, sum var á liðnum fyri fyrstu ferð, og hann vann sannførandi á Carl Eli Samuelsen á triðja borði.

Høgni Egilstoft Nielsen hevði vunnið allar sínar dystir á øðrum borði í vetur, og hann skúgvaði eisini Olaf Berg til viks. 

Elsti maður, Torkil Nielsen, kom væl frá byrjan ímóti yngsti manni, Luitjen Akselsson Apol. Men 15 ára gamli Luitjen, sum tapti avgerandi talv ímóti Torkil í fjør, fekk náðileysa hevnd, tá veteraninum gav honum møguleikan.

So var støðan 2-1 til Sandavág, og dysturin skal avgerast á fyrsta borði. Bæði stórmeistarin úr Havn, Helgi Dam Ziska, og Rógvi Egilstoft hjá Sandavági snávaðu stundum, men tá tað sá út til, at Rógvi Egilstoft hevði møguleika at vinna, sló Helgi Dam Ziska til. 

Endin var, at Rógvi Egilstoft legði kongin, og Havnar Telvingarfelag fekk sítt 25. meistaraheti.

talv_mynd1.jpg

Frítekst tagging: 

talv

FM í talv

helgi dam ziska

Havnar Telvingarfelag