Vága Floghavn hall í 2021

Orsøkin er fyrst og fremst ov fá ferðafólk, sigur stjórin í Vága Floghavn, Regin I. Jakobsen.

Regin I. Jakobsen sigur, at úrslitið ikki kemur óvart á. Hallið merkir ikki, at nakrar stórvegis broytingar verða gjørdar í rakstrinum av Vága Floghavn.

Regin I. Jakobsen, stjóri í Vága Floghavn, sigur, at tey eru bjartskygd fyri restina av árinum.

Í mars mánaði í ár var ferðslan um Vága floghavn komin upp á 83 prosent av tí hon var í mars 2019, og longu nú í apríl er sannlíkt, at ferðslan verður umleið tann sama sum hon var í apríl 2019.