Fýra mans handtiknir

Tað var klokkan 2:30 sunnunáttina, at ein 77 ára gamal maður var álopin á horninum Sverrisgøtu og Tórsgøtu, beint við handilin hjá Kissa.

Maðurin var sligin og skumpaður so harðliga um koll, at hann smekkaði nakkan í asfaltið. Løgreglan hevur leitað eftir vitnum til hendingina, og tað hevur givið úrslit, tí fólk hava vent sær til løgregluna. Og í kjalarvørrinum á tí eru fýra ungir mans tiknir og skuldsettir fyri harðskapin, skrivar in.fo. 

Frá løgregluni verður sagt, at tá kanningarnar eru komnar longri fram á leið, verður greitt, hvussu nógvir av teimum handtiknu monnunum verða ákærdir, og um skuldsetingin móti onkrum av teimum verður tikin aftur.