67 mió. kr. til parkeringskjallara og goymslu

Heilsumálaráðíð hevur biðið løgtingið um 67 mió. kr. til at innrætta víðkaða partin av kjallaranum í H-bygninginum á Landssjúkrahúsinum til parkering, goymslu og reingerð.

Eisini skulu goymslutorn og vegleiðing í H-bygninginum gerast.

Heilsumálaráðið sigur, at lógaruppskotið ger, at pláss verður fyri fleiri bilum, høvuðsgoymslan fær hóskandi høli og  verður tættari at nýtsluni, reingerðarhøli verður felags fyri H-bygningin, og felagshøli verða til reingerðarstarvsfólkini. 

Harumframt vera skelti og vegleiðingar, sum hjálpa fólki at finna ta deild ella tað stað, hagar tey skulu í H-bygninginum.