Fimm ára fongsul fyri mutur

Frákoyrdi leiðarin í Myanmar, Aung San Suu Kyi, er dømd fimm ára fongsulsrevsing fyri mutur.

Tað siga rættarkeldur í morgun. 

Hon kann verða dømd meira enn 100 ára fongsul, verður hon dømd sek í øllum ákærunum, sum hernaðarjuntan hevur reist móti henni, eftir at hon tók valdið í landinum.

Suu Kyi er frammanundan dømd seks ára fongsul. Ákæran móti henni var í januar víðkað við einum punkti um, at hon á ólógligan hátt royndi at ávirka valnevndina í sambandi við valið í juli 2020.

Flokkurin hjá Suu Kyi, National-ligan fyri frælsi, NLD, vann valið, men hernaðarjuntan sigur, at umfatandi valsvik var framt á valinum. 

Fleiri limir í valnevndini eru handtiknir og ákærdir fyri at hava lagt til rættis sigurin hjá NLD.