![](https://kringvarp.fo/sites/default/files/styles/myndasavn-width/public/solvit.jpeg?itok=PEalFgqL)
- Tíðindi, mentan og ítróttur
Nú kann farast undir heimið í Reynstúni
![](https://kvf.fo/sites/default/files/styles/grein-ovasta-mynd/public/mynd_-_reynstun.jpg?itok=VxXtzdOp)
Nú kann farast undir heimið til fólk við menningartarni og fjølbreki, sum skal byggjast í Reynstúni á Argjum.
Løgtingið samtykti í dag endaliga verklagslógina, og hon var einmælt samtykt.
18 íbúðir verða bygdir til endamálið.
Arbeiðið byrjar skjótast gjørligt, og gongst sum ætlað, stendur heimið í Reynstúni liðugt næsta ár, sigur Almannamálaráðið.
Sólvit Nolsø, landsstýrismaður í almannamálum.
54 mió. kr.
Kostnaðurin verður mett til 54 milliónir kr.
Sambýlið er í fyrstu syftu ætlað búfólkunum á Eirargarði. Tá byggingin í Reynstúni er liðug, verður støða tikin til, hvat Eirargarður skal brúkast til.
Sólvit Nolsø, landsstýrismaður, sigur, at politiska skipanin eigur at arbeiða fyri, at bygningar, ið eru bygdir til endamálið, koma í staðin fyri gomlu og smáu stovnarnar, tí tørvurin veksur støðugt.