Gøtunes setti landingarmet í Íslandi

Um vikuskiftið setti Gøtunes mett á Fá­skrúðsfirði á Eysturlandinum, tá skipið landaði 3.431 tons av svartkjafti har.

Hetta er størsta svarkjaftalastin, sum er landað á Fá­skrúðsfirði, skrivar heimasíðan hjá Morgunblaðnum.

Íslendska skipið Vil­helm Þor­steins­son hevur landað 3.488 tons, men tað var í Fuglafirði.

Føroysk skip sleppa aftur í ár at landa svartkjaft uttanlands fyri at sleppa undan at bíða ov leingi í Føroyum.

Loyvið er galdandi til 16.juni.