Sáttmálin longdur til á midnátt fríggjakvøldið

Fiskimannafelagið og Reiðarafelagið hava longt sáttmálan til á midnátt fríggjakvøldið.

Hóast ongar beinleiðis samráðingar eru millum partarnar í løtuni, so tosa Fiskimannafelagið og Reiðarafelagið saman mestsum hvønn dag, og ætlanin er at fáa ein nýggjan sáttmála, sigur Stefan í Skorini, stjóri í Reiðarafelagnum.

Um tað fer at eydnast, sigur hann seg ikki vita í løtuni.

Føroya Skipara- og Navigatørfelag, Maskinmeistafelagið og Reiðarafelagið hava longt sáttmálan til 1. apríl næsta ár.

Tað var semingsstovnurin sum mælti pørtunum til at gera tað, og tað samdust feløgini um.