Barnaróðurin í dag er avlýstur

Dómaratoymið og umboð fyri Róðrarsambandið og Klaksvíkar Róðrarfelag hava í morgun mett, at líkindini at fáa barnaróðurin á Norðoyastevnu í dag avgreiddan, eru ov vánalig.

Grundgevingin er, at tað verður ov trupult ella ógjørligt at leggja bátar til start, og hetta ávirkar tí eisini ítróttaupplivingina.

Veðrið broytist ikki nóg mikið komandi dagarnar, og tí er avgerð tikin um, at barnaróðurin á Norðoyastevnu er avlýstur, boðar Róðrarsambandið frá í tíðindaskrivi.

Hetta merkir samstundis, at starttíðirnar hjá teimum vaksnu manningunum verða broyttar, og at FM-róðurin hjá teimum vaksnu byrjar klokkan 15, tá 5-mannafør við gentum 14-16 leggja til brots.