Flogskiparar hjá SAS ávara nú aftur um verkfall

Flogskiparar hjá SAS ávara nú aftur um, at teir ætla sær í verkfall.

Tað hendir eftir at flogskipararnir í seinastu viku søgdu, at teir ætla sær í verkfall 24. juni.

Í hesum døgum samráðast SAS og flogskipararnir um nýggjan sáttmála fyri tann, ið fór úr gildi 1. apríl.

Í dag er komið fram, at teir umleið 1.000 flogskipararnir hjá felagnum ætla sær í verkfall 29. juni, sum er um 14 dagar.

Sostatt er dagurin fyri verkfallið fluttur fimm dagar.

Nógvar flogferðir verða ávirkaðar

Mett verður, at umleið tveir triðingar av flogferðunum hjá SAS verða ávirkaðar, fara flogskipararnir í verkfall.

Tað fer at darva og ávirka summarfrítíðina hjá nógvum fólkum í Skandinavia, um verkfall verður.

Í løtuni er tó ikki greitt, um fráboðaða verkfallið eisini fer at ávirka føroyaflúgvingina hjá SAS.

Tað hevur ikki eydnast útvarpinum at fáa fatur á talsfólkum hjá felagnum.