Nú verður dýrari at asfaltera

Nú verður dýrari hjá tær, um tú skalt asfaltera túnið ella uttan um húsini.

Landsverk boðar frá, at prísurin á asfalti í Føroyum er dýrkaður.

Prísurin á asfalti hækkar væntandi fimm prosent í hesum mánaðinum og 10 - 15 prosent aftrat í august.

Orsøkin, til at asfaltið nú dýrkar, er, at skervurin er vorðin dýrari at keypa, og at prísurin á olju er farin upp.

Í vár lá asfaltframleiðslan hjá Landsverki still eitt skifti, tí trupult var at fáa fatur á sandi og skervi til framleiðsluna.