FM-kappróðurin útsettur

FM-kappróðurin á sundalagsstevnu er útsettur í ein tíma.

Sostatt verður byrjað klokkan 16.00 og ikki klokkan 15.00, sum ætlanin var.

Tað hevur gingið illa hjá fleiri av barnamanningunum at loysa úr startinum, og hetta er orsøkin til seinkingina.

Róðrarlíkindini eru annars góð í Hvalvík í dag, og veðrið er av tí fagrasta.

Róðurin skuldi upprunaliga verða leygardagin, men orsakað av vánaligari veðurforsøgn varð gjørt av at útseta til í dag.

Róðurin kann síggjast í sjóvarpinum og verður eisini útvarpaður.