80-90 hvalir lagt beinini á Sandi

Ein grind, sum fólk í Skúvoy sóu fyrrapartin, varð á døgurða hildin til á Sandi. Allir hvalirnir eru ikki taldir enn, men grindin verður mett til 80 - 90 hvalir.

Drápið gekk skjótt og væl, sigur vakthavandi á Politistøðini í Havn. Einki sást til útlendsk mótmælisfólk á sandinum.

Tað var um tíggjutíðina, at fólk í Skúvoy sóu grindina, og klokkan 12:35 varð grindin hildin til á Sandi.