Kvirra og forbøn í Sundby Kirke

Føroysk kvirra og forbøn verður í Sundby kirke á Amager eftir skottilburðin í Fields í gjár.

Fólkakirkjan bjóðar í kvøld klokkan 19 - 21 føroyingum til eina stilla løtu og forbøn í kirkjuni á Amager.

Tað verður Ovi Brim, prestur í føroysku fólkakirkjuni, sum leiðir løtuna í Sundby kirke, har høvið eisini verður at tendra ljós.

Vesturkirkjan opin mánakvøld

Eisini Vesturkirkjan hevur boðað frá, at kirkjan verður opin í kvøld, mánakvøld frá kl. 17.00 til á miðnátt í kvøld.

Høvi verður at koma í kirkjuna fyri at tendra ljós, biðja eina bøn, sita í kvirru og at práta við prest. Kl. 19.30 verður ein andakt hildin