Prísurin á brennievni lækkar aftur

Nú er aftur eitt sindur bíligari hjá tær at fylla tangan á bilinum.

Seinastu fýra vikurnar er prísurin hjá teimum báðum oljufeløgunum, EFFO og Magn, í Føroyum lækkaður.

Tað er serliga bensinið, sum nú er blivið bíligari at keypa í Føroyum.

Nú kostar ein litur av blýfríum bensini 14,41 krónur. 14. juni kostaði bensinið 15,48 krónur fyri liturin.

Ein litur av diesel kostar nú 13,48 krónur á bensinstøðunum. 14. juni kostaði diesel 13,74 krónur fyri liturin.

Prísurin fyri gassolju til húsarhaldini er tó ikki lækkaður lutfalsliga líka nógv seinasta mánaðin, vísir yvirlitið hjá oljufeløgunum.