Gerandisvørur dýrkaðar nógv

Hagstovan almannakunngjørdi í dag brúkaraprístalið fyri annan ársfjórðing.

Har varð staðfest, at brúkaraprísirnir eru hækkaðir 7,3 prosent samanborið vð sama ársfjórðingin í fjør. Talan er um størstu árligu broyting í brúkaraprístalinum seinastu 14 árini.

Mest sum allar vørur eru farnar upp. Brennievni er farið sera nógv upp, men eisini bólkarnir 'Hotel og matveitarar', 'Samskifti' og 'Klædnavørur og fótbúnaður' eru hækkaðir nógv.

Prísirnir fyri mat- og drykkjuvørur eru øktir 6,2 prosent.