Yvir 500 fólk deyð av hitanum í Spania

Fleiri enn 500 fólk eru deyð í hitabylgjuni í Spania.

Skógareldar hava gjørt um seg í landinum, og nú sigur forsætisráðharrin, at fleiri hundrað fólk eru deyð í nógva hitanum.

- Undir hitabylgjuni eru fleiri enn 500 fólk deyð, sigur Pedro Sánchez, við tíðindastovuna, Ritzau.

Forsætisráðharrin sigur, at talið á deyðum er samanborið við tølini í fjør, og tey tískil ikki alment eru skrásett sum deyð av hita.

Hiti, Hitabylgja, Evropa, Spania

Byrjaði 9. juli

Hitabylgjan í Spania byrjaði 9. juli, og fleiri staðni hava tað verið meira enn 45 stig síðani nógvi hitin kom.

Í grannalandinum, Portugal, er enn meira hiti skrásettur enn í Spania tær seinastu vikurnar. Har hevur hitin verið heilt uppi á 47 stigum.

Týsdagin skrivaði Reuters, at 1.063 fólk vóru deyð í hitabylgjuni í Portugal, sambært tí, myndugleikararnir hava skrásett.

Onnur lond í Suðurevropa hava eisini verið hart rakt, men tey londini hava tó ikki skrásett nøkur andlát undir hitabylgjuni.

Hiti, Hitabylgja, Evropa, Spania