Handilsforðingarnar kunnu herðast meira

Verða handilsforðingarnar herdar, kann talan verða um mjøl, lýsi og laks afturat norðhavssild og makreli. Og tað kann henda, um Føroyar ikki gera, sum ES sigur, og minkar sildakvotuna munandi.

Fishupdate

Millum annað bretska heimasíðan Fishupdate skrivar, at sambært semjuni um boykottið ber til at víðka handilsforðingarnar seinni.

Alilaksur er í vanda, tí sambært teimum, sum vilja hava ES at boykotta Føroyar, eru sild og makrelur í fóðrinum, sum føroyski alilaksurin fær.

Hesum hevur Havsbrún, sum ger alifóður, tó staðiliga víst aftur.