Arbeiðsloysið í Føroyum tað minsta í Evropa

Í tíggju ár hevur arbeiðsloysið í Føroyum nú verið tað minsta í Evropa.

Næst Føroyum í fjør var Kekkia, sum hevði meira enn dupult so stórt arbeiðsloysi sum Føroyar.

Í 2021 minkaði arbeiðsloysið í øllum londunum í ES, uttan Rumenia, har tað vaks nakað.

Í hinum Norðurlondunum er arbeiðsloysið minst í Noregi, har tað við árslok 2021 var 3,3 prosent.

Í Danmark var tað 4,5 prosent.

Størst var arbeiðsloysið í Spania, har var tað 13,5 prosent í desember í fjør.

Stýrið hjá ALS hevur sett sum mál, at Arbeiðsloysisskipanin skal javnviga fíggjarliga, tá arbeiðsloysið er millum 4,25 og 4,50 prosent.

Í dag eru 146 fólk, 64 kvinnur og 82 menn, skrásett hjá ALS.