Fiskiskapurin í løtuni

Bara eitt ísfiskalínuskip er til fiskarí í løtuni, men væntandi fer okkurt skip út um vikuskiftið, og somuleiðis fiska seks frystilínuskip undir Føroyum.

Fiskamarknaður Føroya roknar við, at okkurt av skipunum fer at landa seinni í vikuni.

Fimm trolarapør eru til fiskarí, og koma tey flestu at landa í vikuni, sum kemur.

Fýra pør fiska upsa, men fáa eisini nakað av hvítum fiski, og tað fimta parið fiskar svartkalva, meðan tvey fiska gulllaks.

Jaspis og Ametyst, Jaspis, Ametyst, trolskip, trolbátar

Garnaskipini landa í vikuni

Ein trolbátur er á landleiðini, ein er á Skeivabanka, ein er á Íslandsrygginum og so tveir norðanfyri.

Allir koma inn at landa í vikuni, og Fiskamarknaðurin veit at siga, at tað er ein blandingur av toski, hýsu og flatfiski bátarnir fáa.

Tvey garnaskip, sum fiska svartkalva, hava brúkiligt fiskarí, men hjá tveimum, ið fiska havtasku, er fiskaríið misjavnt.

Øll garnaskipini landa í vikuni.

Smaragd, trolari

Ein djúpvatnstrolari er á svartkalvaveiðu og kemur væntandi at landa fyrst í komandi viku.

Ein liggur við bryggju og ein frystitrolari fiskar svartkalva í eysturgrønlandi.

Streymurin harðnar, sum vikan gongur, men veðrið verður gott, so helst verður nakað av útróðri, tó at fiskamarknaðurin ikki væntar tað stóra fiskaríið.

Útróður, útróðrarbátar, útróðrarbátar í Klaksvík