ES ætlar at fáa bíligari gass úr Noregi

Forkvinnan í ES-nevndini, Ursula von der Leyen, ætlar at samráðast við Noreg um bíligari gass, fyri at lækka prísin á streymi. Hon ætlar at loysa prísin á gassi frá streymprísinum, tí dýra gassið ger, at streymurin verður met-dýrur at keypa. Tað boðaði hon frá í árligu talu síni um støðuna í ES, sum hon helt í Strasbourg. 

ES og Noreg skulu samstarva um hesi málini, og í taluni segði ES-forkvinnan, at hon hevur tosað við norska forsætisráðharran, Jonas Gahr Støre, um tað. 

- Eg eri samd við Jonas Gahr Støre, forsætisráðharra, um, at ein arbeiðsbólkur skal setast, sum skal kanna spurningin um, hvussu við kunnu lækka prísin á gassi á skynsaman hátt, segði Ursula von der Leyen.

Málið er at umskipa slakar 140 milliardir evrur, - tað svarar til ein milliard krónur, sum eru eykainntøkur hjá orkufeløgum, til tey, sum er ringast rakt av høgu orkuprísunum.

(greinin er rættað kl. 12.13)