Einvegis ferðaseðlar úr Russlandi útseldir

Einvegis ferðaseðlar úr Russland eru í dag útseldir, eftir at russiski forsetin, Vladimir Putin, í morgun boðaði frá, at hann styrkir russisku deildinar í landinum.

Tað skrivar Reuters, sum hevur kannað tøl frá Aviasales, sum er størsta russiska leitiskipanin eftir flogferðum.

Dátur frá Google Trends vísa stóran vøkstur í leitingum á Aviasales.

Beinleiðis flogferðir úr Moskva til Istanbul í Turkalandi og Jerevan í Armenia, har russarar ikki skulu hava innferðaloyvi, vóru útseldar í dag, vísa dátur frá Aviasales. Eisini flogferðir við millumlendingum, eitt nú úr Moskva til Tblisi, eru útseldar. 

Dmitrij Peskov - Mynd: Ritzau Scanpix

Dmitrij Peskov er talsmaður hjá Putin, forseta. (Mynd: Ritzau Scanpix)

35.000 kr.

Flogferðir úr Moskva til Dubai kosta nú 300.000 rublar, meira enn 35.000 krónur, og tað er, sambært Reuters, fimm ferðir miðallønina hjá russarum.

Talsfólkið í Kreml, Dmitrij Peskov, vil ikki svara spurningum frá journalistum, um russiska markið verður stongt, fyri at forða fólki at rýma undan herbúgvingini.

Óhefta russiska heimasíðan Holod hevur vegleiðing um, hvussu russarar kunnu sleppa úr landinum fyri at sleppa undan at gera hertænastu.