Besti ársfjórðingurin í nýggjari tíð

Úrslitið er 77 milliónir krónur áðrenn skatt.

Hetta ger, at bankin framvegis væntar, at úrslitið í 2013 fyri virðisjavna og skatt verður 130-160 milliónir krónur. Tað var 102 milliónir krónur í fjør.

Umleggingar
Orsøkin til góðu gongdina í ár eru umleggingarnar í virkseminum, sum spara samtakinum sjey prosent í útreiðslum, og ikki hevur verið neyðugt at staðfesta størri tap enn frammanundan mett.

- Vit hava skert útreiðslurnar sjey prosent í mun til í fjør. Og av tí at niðurskrivingarnar eru í samsvari við væntanirnar, hava vit í øðrum ársfjórðingi fingið besta rakstrarúrslitið í nýggjari tíð, sigur Janus Petersen, forstjóri í BankNordik.  

Inntøkurnar tær somu
Men inntøkurnar eru tær somu sum i fjør. Færri biðja um lán og kredittir, men inntøkurnar frá Trygd, sum BankNordik eigur, eru tó øktar.
 
Tað tyngir roknskapin í ár og komandi ár, at BankNordik skal lata 25 mió. kr. til at styrkja Innskjótaratrygdargrunnin.

Stóra innlánsyvirskotið og góða gjaldførið hava gjørt, at BankNordik seinastu mánaðirnar hevur verið afturhaldin á avtalumarknaðinum fyri innlán.
Harumframt er ein øktur partur av samansparingini hjá kundunum fluttur í virðisbrøv. I