Havstovan skal hava jarðhita

Fiskimálaráðið arbeiðir við at fáa allar sínar stovnar grønar. 

2,5 milliónir krónur eru settar av á fíggjarlógini næsta ár til jarðhita til Havstovuna.

Landsverk hevur kunnað Fiskimálaráðið um, at bygningurin í Nóatúni, har Havstovan heldur til, er sera væl egnaður til at leggja um til varandi orkukeldur. 

Mett verður, at við verandi oljuprísum er íløgan afturgoldin um seks ella sjey ár

MRCC-støðin og Veðurstøðin hava jarðhita. 

Fiskimálaráðið og Vørn halda til í leigaðum hølum, sum ikki eru rikin við varandi orkukeldum. 

Ráðið fer at taka upp samband við útleigaran um skifta til grøna orku, skrivar heimasíðan hjá Fiskimálaðaráðnum.