Løkke fær kortini ikki lyklastøðu

Nýggi flokkurin, Moderaterne, hjá Lars Løkke Rasmussen hevði eitt gott val í gjár, og flokkurin er triðstørstur í fólkatinginum við 16 umboðum.

Men flokkurin fekk ikki ta støðu, sum Lars Løkke Rasmussen hevði roknað við, og tá formansumfarið í gjárkvøldið, segði hann onga orsøk vera til at halda, at hann fær litið upp í hendur at gerast samráðingarleiðari.

Síðani flokkurin varð stovnaður 5. juni, hava meiningakanningar víst, at Lars Løkke Rasmussen fór at gera av, hvør verður forsætisráðharri í Danmark. Men soleiðis metti hann ikki støðuna í gjárkvøldið.

Hann segði bart út, at úrslitið av valinum í Grønlandi, fer at tryggja Mette Frederiksen at halda fram sum forsætisráðharri:

Inger Støjberg, sum eisini er fyrrverandi tinglimur hjá Vinstraflokkinum, hevði eitt gott val við nýggja flokkinum, Danmarksdemokratarnir, og fekk 14 tingslimir.

Sostatt hava flokkarnir hjá teimum báðum fyrrverandi vinstrapolittikarunum 30 umboð í fólkatinginum.

Inger Støjberg hevur ikki gjørt viðmerkingar til úrslitið av valinum.

Órógv hevur verið í Danska fólkaflokkinum í langa tíð, og fleiri fólkatingslimir eru farnir úr flokkinum.

Upp undir valið var fleiri ferðir spátt, at flokkurin fór at fáa umboð í fólkatingið.

Men tað helt ikki, og tað gjørdi formaðurin, Morten Messerschmidt, eisini greitt, tá valið var av:

Morten Messerschmidt - Mynd: Ritzau Scanpix

Morten Messerschmidt, formaður í Danska fólkaflokkinum.

Tveir flokkar, sum stillaðu upp, fingu ikki umboð í fólkatingið. Teir vóru Frie Grønne og Kristindemokratarnir.

Forkvinnan í Kristindemokratunum, Marianne Karlsmose, er ikki nøgd við úrslitið:

Marianne Karlsmose - Mynd: Ritzau Scanpix

Marianne Karlsmose, forkvinna í Kristindemokratunum.