Teir royndu skulu ganga undan

Teir eldru mugu ganga undan. 

Tað sigur Viljormur Davidsen undan venjingardystinum ímóti Kekkia í dag.

Liðskiparanum dámar væl, at nógvir nýggir spælarar eru við í hópinum hesa ferð.

 - Tað er sunt fyri okkum, at nýggir mans koma við. Teir eru øgiliga motiveraðir og vilja fegnir vísa seg fram, og ferðin hevur verið høg til venjing av tí sama, sigur Viljormur Davidsen.

 - Vit aðrir, sum hava verið við leingi royna at taka teir inn, og læra teir, hvussu vit spæla á landsliðnum og hvussu mentanin er.

Hoyr samrøðu við liðskiparan omanfyri. Dysturin ímóti Kekkia verður vístur í sjónvarpinum frá kl. 16.50