Dómurin í Eik-málinum útsettur til 10. januar

Dómurin hjá Eystara landsrætti í Eik-málinum kemur ikki í morgin kortini.

Hann er útsettur til 10. januar næsta ár.

Fimta deild hjá Eystara landsrætti kemur til Føroya í dag.

Ætlanin var at siga dómin í Eik-málinum í Dómhúsinum í Havn í morgin ári klokkan trý korter til níggju.

Eingin grundgeving

Men Landsrætturin hevur nú boðað pørtunum frá, at dómurin kemur ikki fyrr enn týsdagin 10. januar. 

Eingin grundgeving er saman við fráboðanini.

Eystari landsrættur verður ikki í Føroyum í januar, so dómurin verður sagdur í Keypmannahavn og sendur í telduposti til Føroya.

Eik-málið er millum Fíggjarligt støðufesti og teir tríggjar Eikmenninar, Marner Jacobsen, sum var forstjóri, Frithleif Olsen, sum var nevndarformaður, og Odd Bjellvåg, sum var næstformaður í Eik.