Hava handtikið fleiri fólk í Reichsbürger-rørsluni

Fleiri fólk í Reichsbürger-rørsluni eru handtikin í sambandi við, at týska løgreglan hevur tey undir illgruna fyri at hava ætlað at fremja ríkiskvett.

Talið á teimum handtiknu er nú komið upp á 54. 19 eru varðhaldsfongslað.

3.000 løgreglufólk vóru við í gjár, tá handtøkur fóru fram í 11 ymsum landspørtum í Týsklandi. 

Talan er sambært løgregluni um fólk á uttasta høgraveingi og fólk, ið áður hava havt tilknýti til týsku verjuna, sum hava fyrireikað tað, tey rópa "Day X". Hendan dag skuldu tey leypa á týska Ríkisdagin og taka valdið í landinum.  

Bólkurin sigst hava tilknýti til amerikanska bólkin, QAnon.