Bakkafrost: Kostnaðarstigið er ov høgt

Bakkafrost hevur havt besta úrslitið nakrantíð, men Regin Jacobsen, stjóri, ætlar ikki at sláa seg tols við tað.
 

Hann sigur, at kostnaðarstigið er framvegis ov høgt.
 

- Hóast marknaðurin er góður, so er neyðugt at gera nakað við kostnaðin, sigur hann.
 

Regin Jacobsen sigur, at tað er fyrst og fremst starvsfólkunum í fyritøkuni fyri at takka, at tað gongur so væl hjá Bakkafrosti. Harafturat hava lívfrøðilig viðurskiftini verið góð.
 

Bakkafrost hevði 252 milliónir krónur í vinningi eftir skatt fyrra hálvár í ár, 145 milliónir meira enn í fjør. Leiðslan í felagnum var í Oslo í morgun, har úrslitið varð lagt fram.