Magnus Rasmussen stóri sigursharrin í Runavík

Sambandsflokkurin er størsti flokkur, og maðurin, ið nærmast einsamallur hevur syrgt fyri góða úrslitinum, er Magnus Rasmussen. 

"Mann blívur heitur um hjartað," ásannar lambamaðurin, ið longu áðrenn endaliga úrslitið er greitt, hevur fingið fleiri atkvøður enn við seinasta løgtingsval. 

Magnus Rasmussen er afturvaldur. 

"Sjálvandi kenna fólk meg her á staðnum, og eg havi verið borgarstjóri, men at fáa so dygga undirtøku, tað eri eg takksamur fyri. Tað er ein góð kensla," segði Magnus Rasmussen. 

Runavík forsøgn

Magnus Rasmussen hevði ikki nakað boð uppá, hví Sambandsflokkurin gongur aftur samanlagt. 

Men Magnus Rasmussen er enn bjartskygdur. 

"Eg vóni, at vit eru í einari góðari støðu, tá valið er liðugt. Eg síggi hampiliga ljóst upp á tað," sigur Magnus Rasmussen.