Samgonguskjal á borðinum

17.12.2022 - 18:32

Innlendis›Politikkur

Javnaðarflokkurin, Tjóðveldi og Framsókn hava í dag fingið skrivað seg so mikið lidnar, at fyrsta útkastið til eitt nýtt samgonguskjal er liðugt.

Emil Lisberg Jacobsen

Aktivera javascript

Fyrsta útkast til samgonguskjal millum Javnaðarflokkin, Tjóðveldi og Framsókn er nú skrivað

Mynd: Bjarni Árting Rubeksen

– Nú fer hetta skjalið út til flokkarnar at umrøða, og so kann henda, at onkrar broytingar koma seinni, sigur samráðingarleiðarin, Aksel V. Johannesen, formaður í Javnaðarflokkinum.

– Tingbólkarnir koma við sínum viðmerkingum, og so hittast floksleiðslurnar í morgin at gjøgnumganga møguligar viðmerkingar frá tingbólkunum.

Hann roknar við, at alt er klárt í næstu viku, so farast kann undir at býta málsøkini millum flokkarnar, ið eisini mannaðu næstsíðstu landsstýrissamgonguna í Tinganesi frá 2015 til 2019.