Bjartskygni í Sandoynni

Kommunurnar eru farnar at brynja seg út til eina nýggja tíð, eftir at tunnilin er tikin í brúk.

J&K Petersen Contractors er í holt við at útstykkja 33 grundstykki heima á Sandi.

Og hesa vikuna hevur byggifelagið handað Skopunar kommunu eina útstykking, ið fevnir um tilsamans 26 grundstykki.

- Her er talan um grundstykki til bæði sethús og íbúðir, sigur borgarstjórin í Skopun, Gerhard Lognberg.