Uppíleggingin hjá løgmanni kostar eina millión

Uppíleggingin hjá løgmanni kostar eina millión
Tá 27. juni nærkaðist, avgjørdi løgmaður, at málið um Eysturoyartunnilin skuldi leggjast fyri løgtingið enn eina ferð, sigur Innlendismálaráðið
Hevði løgmaður ikki kravt tunnilsmálið fyri tingið, hevði landskassin spart eian millión, sigur Innlendismálaráðið
 
29.08.2013 - 07:48

Uppíleggingin hjá løgmanni ger, at landskassin sunnudagin noyðist at gjalda Copenhagen Infrastructure Partners eina millión krónur, tí sáttmálin millum felagið og Innlendismálaráðið ikki verður undirskrivaður fyri 1. september.

Tað sæst í frágreiðingini, sum løgmaður fekk í gjár frá Innlendismálaráðnum.

Var løgmaður ikki komin upp í málið og kravt tað fyri løgtingið, varð sáttmálin undirskrivaður 27. juni, og landskassin hevði spart eina millión.

Ætlaðu at skriva undir fyri jóansøku

Kári P. Højgaard, landsstýrismaður, boðaði tann 19.apríl frá, at ætlanin var at gera sáttmála um Eysturoyartunnilin fyri jóansøku í ár. Fjølmiðlar fingu frænir av, hvat var á vási, og so kom øði í grindina.

Tá 27. juni nærkaðist, avgjørdi løgmaður, at málið skuldi leggjast fyri løgtingið enn eina ferð, segði Innlendismálaráðið í gjár. Copenhagen Infrastructure Partners vildi ikki, at málið skuldi í løgtingið, og vildi hava sáttmálan undirskrivaðan 27. juni.

Á fundi millum løgmann og landsstýrismannin í innlendismálum og Copenhagen Infrastructure Partners tann 27. juni varð avtalað, at sum treyt fyri, at Copenhagen Infrastructure Partners ikki skuldi taka seg burtur úr samráðingunum alt fyri eitt, skuldi Copenhagen Infrastructure Partners hava eina mió. kr. í endurgjaldi, um sáttmálin ikki er undirskrivaður í seinasta lagi 31. august, tað er leygardagin.

Viðgerðin ikki liðug

Tað verður hann ikki, tí løgtingið verður ikki liðugt við lógarbroytingina tá. Sum skilst hevur løgmaður biðið Rættarnevndina bíða.

Í gjár segði forkvinnan í nevndini við Útvarpið, at nevndin ger einki við tunnilsmálini, fyrr enn løgmaður og landsstýrismaðurin eru lidnir við samskiftið teirra millum, sum byrjaði í gjáramorgunin.

Sáttmálin hjá Copenhagen Infrastructure Partners og Innlendismálaráðnum er annars klárur at skriva undir. Samráðingarnar um hann vórðu gjørdar lidnar 27. juni.

Tá vórðu løgmaður, landsstýrismaðurin og Copenhagen Infrastructure Partners eisini samd um tekstin í lógaruppskotinum, sum skuldi leggjast fyri løgtingið.

Er kopiera
Nýggjastu sendingar í ÚV
Leygardag 19. apríl
Jambalaja - 190425
190869
Leygardag 19. apríl
Upp á tá - 180425
190863
Leygardag 19. apríl
Morgunlestur leygardagur 19.apríl 2025
190559
Nýggjastu sendingar í SV
Fríggjadag 18. apríl
Knútsfagnaður
190859
Fríggjadag 18. apríl
Eftir Vørðunum
190772
Fríggjadag 18. apríl
Guðstænasta úr Kvívíkar kirkju
190856
Hósdag 17. apríl
Útilív (5:6)
190791
Hósdag 17. apríl
Guðstænasta úr Miðvágs kirkju
190835