- Tíðindi, mentan og ítróttur
Andin í samgonguskjalinum er tann sami sum í 2015
Andin í samgonguskjalinum er tann sami sum í 2015
Fyri tingfundin í morgin fara flokkarnir, sum nú skipa samgongu, at hava tíðindafund
Aksel V. Johannesen og hini samráðingarfólkini hava drukkið nógv krúss av kaffi seinastu dagarnar, meðan samráðst hevur verið um samgongu. Nú er arbeiðið liðugt, og í morgin verður løgmaður valdur.
Mynd: Bjarni Árting Rubeksen
21.12.2022 - 13:25
- Andin í samgonguskjalinum, sum Javnaðarflokkurin, Tjóðveldi og Framsókn hava skrivað, er tann sami sum í samgonguskjalinum, ið somu flokkar gjørdu í 2015. Tí hugsjónin hjá flokkunum er tann sama.
Tað sigur Aksel V. Johannesen, samráðingarleiðari, nú teir tríggir flokkarnir eru vorðnir samdir um samgonguskjalið, og hvussu málsøkini skulu býtast.
Tingfundur verður í morgin klokkan 10, tá løgtingsformaður skal veljast. Tingið fer eisini at velja løgmann, og tá tað er gjørt, fer løgmaður væntandi at kunngera nøvnini á teimum, sum vera landsstýrisfólk, og hvørji málsøki tey fara at umsita.
Fyri tingfundin, væntandi klokkan níggju, fara nýggju samgonguflokkarnir at hava tíðindafund.
Hoyr samrøðu, sum Jógvan Skeel Nolsøe gjørdi við Aksel V. Johannesen í útvarpstíðindunum:
21122022_Aksel
Árni Gregersen hevur eisini fylgt samgongusamráðingunum.
Hoyr samrøðu, sum Hansa Hansen gjørdi við Árna Gregersen, viðmerkjara, um politisku støðuna:
21122022_Arni_Gregersen_til_net
Er kopiera
Nýggjastu sendingar í ÚV
Nýggjastu sendingar í SV
