Teldan skrivar stílin fyri teg

Í ár gjørdi tøknin eitt skamtalop í mun til vitlíki, ella artificial intelligence, sum tað verður nevnt á enskum. Skapandi vitlíki er nú komið somikið langt, at ávísar telduskipanir kunnu loysa serligar uppgávur, sum verða gjørdar ein og ein - og altso ikki verða hópframleiddar. Millum annað ber til við skipanini ChatGPT at biðja telduna skriva ein stíl ella loysa onkra aðra skúlauppgávu. Og skipanin dugir føroyskt. Tað er ein stór avbjóðing hjá lærarum, um næmingar fara at missbrúka skipanini í skúlahøpi.
Hoyrið her Ólav Ellefsen, KT-serfrøðing og nevndarlim í KT-felagnum, greiða frá, hvussu hetta gongur fyri seg, og hvørjir fyrimunir og vansar slíkar skipanir hava.