Størri tørvur á sertilboðum í fólkaskúlanum

Nógv fleiri skúlabørn hava brúk fyri sertilboði nú. 

Skúlaárið 2019-2020 vóru tey 136, 109 dreingir og 27 gentur.

Í hesum skúlaárinum eru tey 219, 150 dreingir og 69 gentur.

Hetta eru 3,4 prosent av næmingunum í fólkaskúlanum. Tá er Skúlin á Trøðni ikki við.

Hóast dreingir eru í meiriluta í sertilboðunum, eru komnar fleiri gentur hagar.

Í 2019-2020 vóru 80 prosent dreingir. Nú eru teir 68 prosent, skrivar Skúlablaðið.

Í hesum skúlaárinum eru 11 næmingar í Lopfjølini, sum eisini er sertilboð. Har eru genturnar í stórum meiriluta.

Lopfjølin er eitt sosialpedagogiskt skúlatilboð, sum er í Margarinfabrikkini í Havn. 

59 næmingar eru í Skúlanum á Trøðni.

Skúlablaðið skrivar, at seinastu árini eru sertilboðini vorðin fleiri.

Størstu sertilboðini eru á Skúlatrøð í Klaksvík, har eru 56 næmingar, og í Gula skúla í Havn, sum hevur 52 næmingar.